الشاعر د. جميل ميلاد الدويهي
عا وْجوهنا رْياح الشتي
عم ينْحتو نحت الرخام…
وتْخزّقو تياب الشجر فوق الرصيف
هيك التلج غطّى المفارق كلّها
وتْسكّرو البيوت بشهور الخَريف…
الجيران مش عم يسْهرو بالحَيّ
واصْفرّ الكلام…
عم إكتُب مكاتيب طول الليل…
واللي تغيّرو ما بيبعٓتو لعندي سَلام…
بٓعرف طريقي
وما معي إجْرة طَريق…
وكلّ ما برْكض وراكي بتِهرْبي
وما بتطْلعي من البال
حتّى بالمٓنام…
تِبْقي ارجَعي
ما زال ما في وقت تا إرجٓع لكي…
وغٓنّي إلي تا نام تحت الليلَكي
ومنْشان ما نبْكي سَوا
خٓلّي الأغاني تكون عن أهل الهوى
ولا تِدْبَحي طَير الحَمام.
—-
مشروع الأديب الدكتور جميل الدويهي أفكار اغترابيَة للأدب الراقي
النهضة الاغترابية الثانية – تعدد الأنواع.
